【原創】在汕尾講台語也會通哦!(台湾+汕尾闽南话词汇创作)
【原創】在汕尾海陸豐講台語也會通哦!
※
海豐陸豐閩南語+台灣福建閩南語
好多台商攏知也，在台灣個對岸個大陸福建省有這多人講合台灣閩南話共款個福建廈門、漳州、泉州閩南話。但是伊就唔知在福建省個隔壁個廣東省也有一地所在也是講閩南話個，但是這地所在呢唔是講逐家攏知也個潮汕閩南話，這地所在講個閩南話腔口在音調方面加潮汕話有一點仔共款，但是唔是全然攏共款，伊那邊個閩南話大部分又拉福建、台灣個閩南話較像，這地所在叫做”汕尾’ !(以上是臺灣閩南話)
(海豐閩南話開始):大家聽著”汕尾”過腳可能又以為那邊是潮汕話一部分，可能以為那邊個話拉福建閩南話差這多，可能以為歾得拉福建、台灣個閩南話通話?!其實唔是！特別是睇到我介紹個閩南話區打算愛到汕尾做生利個台商朋友，汝著會當放心!這邊合福建差不多，講您台灣個閩南話也會通! 福建個做生利朋友您也萍萍個放心，您如果來到這，拉台灣講閩南話個朋友一樣，講閩南話又也通!
我拉一平平個台灣人共樣，也又是在台灣出生個，自細就會曉講台灣個閩南話拉客家話，所以後底去到海豐拉汕尾聽那邊個人講閩南話無乜問題！我頭一擺哵著海陸豐、汕尾個閩南話是在舊年(2007年)年頭，那時我其實在台灣親戚個厝內底上網聽著個，頭一擺聽著海豐閩南話後底發現著：海豐那邊個閩南話雖然聲音較像潮汕閩南話，但是詞匯親像台灣福建個閩南話，所以決定想辦法來去相哵海豐那邊個朋友打聽一下那邊個閩南話，結果我著拉”海豐方言”作者羅至海先生相哵；開始墊墊打電話科伊在下研究海豐閩南話；無幾久交那邊個姹嬤朋友，所以科我會得有機會拉海豐人講話!
過腳，我就墊墊去到海豐踢跎，所以增加拉海豐人講閩南話個機會；時間久了，自己講個台灣閩南話腔口開始發生一串變化，是乜個變化?就是加一串海豐閩南話個腔口入來啦! 以前我是台灣人個時陣，我若拉福建閩南人講話，福建一定聽會出我是台灣人！但是自我拉海豐人，尤其是交海豐奼嬤朋友後底，我當仔個閩南話腔口已經發生好多個變化，變成怎呢?就是加海豐音入來，科福建人認唔出我是底地人！
當仔個海陸豐、汕尾閩南話有一呢仔問題就是:當仔個海豐後生越來越愛講廣州話，主要原因是 受著香港、廣州個”廣府文化”強勢個影響，加上頂夠世紀六十年代有個海豐人走路到香港去，等伊人轉來海豐後底就帶香港那邊個廣州話文化轉來海豐，所以科好多汕尾海陸豐個後生越來越鐘意廣州話拉文化；所以我相信一件事；就是若是有好多個台商過來汕尾、海陸豐投資，帶過來個一定是台灣、福建閩南(福佬)文化，希望睇著這地文章個台灣生利人，汝若睇了後，希望汝會得來到也是”講台語也會通”個廣東汕尾，相信我您如果來到，會拉福建共樣，語言方面個親切感! |
发表于 2008-2-5 02:06
发表于 2008-2-5 13:58
发表于 2008-2-5 21:36