Gah Mìng-ka̤ gâing ô bih ôi-dó̤i hāu lă̤ „Guók-mū Cié“. Nguòng-lā̤ cī gáe̤k miàng géu „Ke̤ng-bók Cié“. Cī gáe̤k nè̤ng iā bék, mò̤ sioh ciáh siah ô bā.
Ô sioh ge̤ng lă̤, ô sioh ciáh huòng-dá̤ lì gáu cū-uái káh-dièu. Dák-dák i chói da, āi tō̤ uāng dà sák-da. Dáng, cī gáe̤k gì nè̤ng lièng buông du siah mâ̤ bā lo̤, dē̤-nè̤ gó ô dà chióh nă̤? Sū-ī i kó̤ iā sâ̤ ciō chió tō̤ dà siah, du mò̤ tō̤ ô.
Ciā sì-hâiu ô sioh ciáh nṳ̄-gái cêu dò̤ sioh léng uāng, ciong cê-ga gì nèng niék chók ké̤ṳk huòng-dá̤ sák-da. Huòng-dá̤ sioh chói cêu du gâe̤ng i guah diē gŏ̤. Sié-lo̤h-lì huòng-dá̤ cêu gâe̤ng cī nṳ̄-gái gōng uâ.
Huòng-dá̤: „Cuāi-nē̤ miàng géu sié-nó̤h?“
Nṳ̄-gái: „Cī gáe̤k hó̤ lă̤ ‚Ke̤ng-bók Cié‛,
ing ôi cī gáe̤k nè̤ng bék gáu lièng buông du siah mò̤ bā.“
Huòng-dá̤: „Ciā miàng mâ̤ hō̤-tiang!
Nṳ̄ gé-iòng dò̤ nṳ̄ gì nèng ké̤ṳk nguāi sák-da.
Huòi cêu sáung nguāi siah guó nṳ̄ gì nèng lāu.
Nguāi siah guó nṳ̄ gì nèng, nṳ̄ cêu sê nguāi nā̤.
Cuāi-nē̤ cêu hó̤ ‚Guók-mū Cié‛ ciong gì?“
Iù sê, „Ke̤ng-bók Cié“ cêu gāi miàng géu „Guók-mū Cié“.
Ke̤ng-bók Cié 空腹磜
Guók-mū Cié 國母磜 |
发表于 2007-7-14 18:34
发表于 2008-2-21 17:22