Mìng-dièu tái-gáng Ngôi Dṳng-hièng dong-guòng. Ngiê-giāng, ngiê-song gòng tieng-â du ô, guòng-sié iā duâ iā duâ, i gó āi có̤-huāng.
Hiā sì-hâiu, Hók-chiàng gâing-siàng dā̤-sié ô có̤ seng-ngé huák-cài-gĭ sáng-Ngù-gĭ (te̤k có̤ ‘sang-mu-i’) lâng ciáh hiang-diê, i-a-diê miàng Ngù Hók, lâng-gá-nè̤ng buong-kui (tiáh-kui-siah) ī-hâiu, Ngù Hók sê káh-dièu-giāng, ga-sāng bâi-lāu-lāu (bâi táh-táh-lióh sié-kó̤).
Gáu-muōi-lāu ông sioh sâi (sioh pie) gék dò̤ Báe̤k-ging kió mâ̤. Gáu Ging-siàng sì-hâiu, gék ciòng-buô máuk kiŏ. I sioh lak sioh lak mâing-mâing gēng, iâ lâ kák sioh lèu-giāng, lièng mō̤ dái lé du pók kiŏ.
Ciá-lă̤* ù-kō̤-nâi-hò̤ gì sì-hâiu, pâung dioh Ngôi Dṳng-hièng có̤ sang-nik, Ngù Hók gì-siōng tieng-kai, ciong ciē gék cong sioh ciáh duâ buàng dā̤-sié, ngiê-sāu-sié eng lā̤ miàng-piéng siā lŏ̤h ‘Hók-gióng Sēng Hók-ciu Hū Hók-chiang Gâing Hók-dòng lī Ngù Hók géng hióng Ngô Hók duâ-gék géng-cók chieng-chiu (福建省福州府福清縣福唐里吳福敬獻五福大橘敬祝千秋)’.
Ngôi Dṳng-hièng duâ huang-hī, ī-ôi ciē-sê (cuòi sê) éng dioh** cê-ga ô dâ̤-uòng hók-ké gĭ ê̤ṳ-diêu (i-sik), cêu nêng Ngù Hók có̤ ngiê-giāng, nó̤h dò̤ cing sâ̤ siōng (sé̤ṳ, siōng-sé̤ṳ) ké̤ṳk i, gó dák-éng â-kuo*** cô-nguòng dò̤ ké̤ṳ-i, hung-hó (te̤k có̤ ‘hung-nó’) Ngù Hók diōng-chió kī cô-ngùong-hū.
Ngù Hók gì cô-nguòng-hū gie-muò iā duâ iā duâ! I siōng ī-hâiu ciong Ngôi Dṳng-hièng gĭ sióng guá duâ-tiang dài-dong īng-nguōng gé̤ṳng-hóng. Chió sèng-sāu-sié kui de̤ng sa̤ lâng ciáh uòng-muòng (轅門), uok hông gĭ bà̤-gá.
Sāi-dék-hiēu (ciōng-hiēu) gó muôi gáu kō̤-sé (kō̤-cṳ) nik-cī, Ngôi Dṳng-hièng cêu dō̤-dài kió. Ngṳ̀ Hók tau cāu kió̤ mà̤ kī gŏ̤ (huk kī gŏ̤, ming kī gŏ̤). I kī gì chió dik táu ngô lo̤h (dik-dik dióh táu giâ gŏ̤ ô ngô lo̤h), huàng bà̤ sang cô̤ (huàng-huàng dióh bà̤ guó ô sang cô̤), ging-dáng-nik nè̤ng giéu ciē chió ‘Sek Ngô Lo̤h’.
* ciá-lă̤ : 正當
** éng dioh ... gĭ i-sik/ê̤ṳ-diêu : ...預兆得到應驗
*** â-kuo : 下科 |
发表于 2007-7-20 18:29
发表于 2007-7-20 21:41