澄海蓮陽佮溪南口音

所聼是，澄海其潮州話無[-m] 佮[-p] 其音。但是，我公嫲(正宗唐山澄海過番來其兩老人)其口音，[-m]，[-p] 音是現現有，有匝（chua7:次) 問過伊人，這是番畔其變化嚒，伊人攏呾這是唐山賫（chah4:帶）來其純正口音。關於[-p] 音，我阿嫲 (來自澄海溪南縣門村）除[法]字唸做[huak4] 之外，別個含[-p] 音其子攏會讀做[-p]， 比如 [押錢] （找錢） 唸做 [ap4 chi~5], [問答] 叫 [meun7 tap4]，等等。我阿公（澄海蓮陽人）哩什乜含[-p] 其字攏會呾做[-p]，包含 [法] 字在底。伊兩人個 [-m] 音攏呾着，比如 [檸檬] （沾鹽其酸柑仔）唸做 [niam5 mong5], 歡有 [窗簾] 唸做 [theng1 niam5] 等等。所致呾，澄海也有一撮地方有 [-m] 佮 [-p] 其音，哩是大多眾，這撮音所迄併入[-ng]，[-k]其地方，有影是少數。抑是這口音是受了鄰近地方（潮安，府城）的影響呢？這是細弟愚意，若有物錯，請各位不妨賜教。