Gōo-ge̍rh ê thinn, suî-suî tshut-sì ê hē-thinn

Gōo-ge̍rh ê tsuè-ău tsi̍t ji̍t，iá-kú too bô khuànn--kìnn ê lâm-thinn，ji̍t-thâu　iá　tshiah，ba̍k-tsiu　too　thí buĕ khui ,guá tsĕr tĭr tuā kàu-sik ê　bér　jī pâi,īng tsioh--lâi ê tshiú-ki lér tshi̍h tér-sìn,tak-ê lâng sim-sir tsiâu bô khǹg-tĭr kè-sǹg-ki lí-lūn khò tíng,sui-jiân kè-sǹg-ki it-khip khó-tshì liâm-pinn tsiū berh kàu.

      Gōo-ge̍rh hùn suah-berh kiat-sok lőo,guá hit tsùn tsiah tsai-iánn kin-ná-ji̍t sĭ gōo-ge̍rh ê tsuè-ău tsi̍t ji̍t, kèr-liáu gōo-ge̍rh ê tsa̍p-káu hèr sinn-ji̍t,guá jîn-sing ê tē jī-tsa̍p-nî ê kong-im suah khai-sí lőo.Tĭr guá tshiú-ki lăi,sinn-ji̍t tsiok-hok ê tér-sìn,guá í-king tsi̍t-tiâu tsi̍t-tiâu too san-sak lőo,koo-tuann tsi̍t tiâu kan-ta la̍k-jī ê tér-sìn,"tsiok lí sinn-ji̍t khuài-lo̍k",guá guân sĭ m̄ kam san-sak.Guá ĕ kì--tit,sĭ hit-ji̍t ê ji̍t-tàu,tshiú-ki hiông-hiông tsín-tăng,sĭ tér-sìn iū-koh lâi--lőo,guá kāng khǹg-tĭr tshn̂g-pinn ê tshiú-kí theh khí--lâi khuànn tér-sín,hōo guá iá ì-guā ,sĭ mâ-mâ huat kèr--lâi--ê，tsi̍t　kù bô-huat thang koh-khah tsió-jī ê uē,"tsiok lí sinn-ji̍t khuài-lo̍k",mâ-mâ pîng-sî īng tshiú-ki kan-ta nă ĕ-hiáu tsih tiān-uē,khuànn tér-sìn--ní,kin-nâ nà ĕ huat tér-sìn kèr--lâi?

      Tĭr hit sî,tiān-uē tân lőo,sĭ mâ-mâ phah ker--lâi --ê.

      "Tiân-á,ŭ siu--tio̍h tér-sìn--bô?"

      "Ŭ a̋,ŭ siu--tio̍h."

      "Guá kì--tit kin-nâ sĭ lí ê sinn-ji̍t,tsiū siŭnn-berh huat tér-sìn hōo--lí,m̄-koh guá bô huat kèr,guá tsiū siŭnn pat-lâng sĭ tsiúnn-á huat--ê,o̍h in án-ne tshi̍h,jîr-siâu tshi̍h,guá bô khak-tīng guá huat tshut--khì--bô..."

      "Mâ-mâ,guá siu--tio̍h lőo."Mâ-mâ hit-sî ê gír-khì,tshin-tshiŭnn sĭ suî o̍h kha-ta̍h-tshia ê kín-á,tshiong-muá tsi̍t tām-á bô khak-tīng,suî tsiap-tshiok-tio̍h sin sīr-bu̍t ê sió kik-tŏng,guá kám-siū-tio̍h hit la̍k-jī sĭ tsi̍t-ê bió-tshin siōng phok-sit siōng bû-sir ê ài,ŭ i siōng tsin-sîng ê hi-bāng kap tsiok-hok,guá ê sim-lăi,sĭ muá-muá ê sió hīng-hok.

      "Kin-nî ê gōo-ge̍rh iá tshiu-tshìn a̋,guá ĕ kì-tit lí tshut-sì ê hit-nî gōo-ger̍h, iá-jua̍h iá-jua̍h."Tak-nî sinn-ji̍t,mâ-mâ tiānn-tiānn ĕ kóng-tio̍h hit-nî gōo-ge̍rh,hit--ê tú tshut-sì ê hē-thinn,khong-khì lăi,tsiâu sĭ hē-thinn berh-kàu ê khì-bī.Tak-nî,mâ-mâ tsiū tshin-tshiŭnn tē it pái thê--tio̍h,lán-tshiŭnn sĭ tsâ-ji̍t ê tāi-tsì,gír-khì hōo guá ê kám-kak sĭ guá guân sĭ tsi̍t ê inn-á.Ba̍k-tsuînn ê kán-á í-king tuā-hàn tshut-guā,tĭr i gân-lăi,guá guân-tsăi sĭ i hit ê ài-khàu ài a-káu ê kán-á,buĕ tuā-hàn buĕ lī-khui,kiau tsâ-ji̍t suî-suî huat-sing--ê siâng-khuán.

      Mâ-mâ ê ài kiau hit la̍k-jī siâng-hō,án-ne phoh-sit,guá ê mâ-mâ m̄ sĭ siânn-mih tuā jîn-bu̍t,uī-liáu huânn-ke,bô-kòo sin-khóo bô kiann thua-buâ,i ê ài,sîng tshun-thinn ê hŏo,íng-uán sĭ án-ne un-jiû,bô tsi̍t tiám-á siann-serh,kāng gún hiann-tĭ nn̆g ê kap tuā-hàn,it-tit kàu hiān-tsăi,thinn-ĕ ê mâ-mâ too sĭ án-ne--ê.Mâ-mâ tsuè--ê mn̍gh-phèr,tuì gún lâi kóng sĭ siōng hó-tsia̍h--ê,suî-jiân tsn̂g-suè kàu-tuā tshài-sik m̄ sĭ iá hong-hù,mâ-mâ tak pái too sĭ īng-sim tsún-pī,īng muá-muá ê ài lâi liāu-lí tak tsi̍t tǹg，bô lūn luă hèr,mâ-mâ tsuè ê tshài tsóng ŭ tshù-lăi ê un-luán kap bī-sòo,hó tóo-tsí tiānn kóng in ê pì-bi̍t m̄-sĭ tû-gē nî sĭ ài，siann-sit bô tānn.Jînn Hîng Tshian Lí Bió Tam Iu,tĭr mâ-mâ sim-ba̍k tiong,guá guân sĭ tīr-lér suî o̍h kiânn,ài háu ài khàu ê nî-kí,nă sĭ ŭ tsi̍t-ji̍t ,guá â sîng-uî pat-lâng ê lău-pĕ,guá iá-koh sĭ i buĕ tuā ê suè-kiánn.

      Tĭr kin-nî,guá iū-koh thiann--tio̍h mâ-mâ kì-ik tshim-khik ê hit-kù uē, kiau í-tsuînn bô-siâng ê sĭ,kóng hit-kù uē ê sî-tsùn,i ê kán-á í-king bô tĭr i sin-pinn nî sĭ tĭr guá-kháu,hit-sî ê guá ,m̄ tsai uī siânn-mih ,thiann--tio̍h hit-kù uē,phīnn-thâu kam-kak sng-sng--ê...

[ 本帖最後由浊音dz 於 2010-7-12 14:10 編輯 ]

浊音dz

全權版主