再补一刀——《河南衍派》

河南衍派-再補一刀(石獅)
2010-12-02 23:13:15
河南衍派　Hô-lâm ián-phài
正字轉寫：維克托&斯文施

咱是實在亓儂
lán sǐ si̍t-tsǎi ê lâng
生活佇即个所在
sng-ua̍h tǐ tsit-ê sóo-tsǎi
認真做咱亓頭路
līn-tsin tsuè lán ê thâu-lōo
毋聽儂講伊是非
m̄ thiann lâng kóng i sū-hui

人生平凡短短
līn-sing pîng-huân té-té
有汝來共我指点
ǔ lí lâi kā guá tsí-tiám
創造美滿亓家庭
tshòng-tsǒ bí-buán ka-tîng
咱活著則有意義
lán ua̍h-tio̍h tsiah-ǔ ì-gī

我用空手來拍拚
guá iōng khang-tshiú lâi phah-piànn
即片土地咱亓故鄉
tsit-phìnn thóo-tuē lán ê kòo-hiong
看著汝遐爾歡喜
khuànn-tio̍h lí hiah-nī huann-hí
付出一切我嘛願意
hù-tshut it-tshè guá mǎ guān-ì

即陣我離開故鄉
tsit-tsūn guá lî-khui kòo-hiong
無法帶汝做陣前行
bô-huat tuà lí tsuè-tīn tsiân-kiânn
請汝著放心
tshiánn lí tio̍h pàng-sim
我一定會倒轉來佮汝做伴
guá it-tīng ě tò-tńg-lâi kah lí tsuè-phuǎnn

汝 人傑地靈
lí lîn-kia̍t-tuē-lîng
保庇咱堂境
pó-pì lán tông-kíng
阮是河南衍派
gún sǐ Hô-lâm ián-phài

汝 創造歷史
lí tshòng-tsǒ lia̍k-sú
徛立佇即位
khǎ-li̍p tǐ tsit-uī
代代儂都感謝汝
tē-tē-lâng too kám-siā lí