- 母語
- 漳州話
- 來自
- Amoy
  
|
8#
发表于 2010-9-14 20:43
原文有許多錯誤，我花了兩天的時間，大量的查閱辭典，並且借助翻查網上相關信息進行修正。可以說，大部分，已經查到確切的所指，但仍有少數無從查考或目前暫時查考不到，恐怕要另行取證才行。以下是《千金譜》（在下修訂過）的金文及注解。
【《千金譜》全文】（臺灣版，limkianhui校對修訂）
字 是 隨 身 寶 ， Jī sī sûi-sin pó,
財 是 國 家 珍 ， châi sī kok-ka tin,
一 字 值 千 金 ， it jī ta̍t chhian-kim,
千 金 難 買 聖 賢 心 ， chhian kim lân bóe sèng-hiân sim,
隸 首 作 算 用 苦 心 ， Lē Siú chok-sòan iōng khó·-sim,
倉 頡 製 字 值 千 金 。 Chong Kiat chè-jī ta̍t chhian-kim.
勸 人 讀 書 着 認 字 ， Khǹg lâng tha̍k-chu tio̍h jīn-jī,
看 得 來 寫 得 去 ， khòaⁿ tit lâi, siá tit khì,
百 般 貨 物 都 有 字 ， pah-poaⁿ hè-bu̍t to ū jī,
件 件 貨 物 都 須 記 。 kiāⁿ-kiāⁿ hè-bu̍t to su kì.
記 得 物 件 寫 得 來 ， Kì tit mi̍h-kiāⁿ siá tit lâi,
便 是 伶 俐 不 痴 呆 。 piān-sī léng-lī put chhi-tai.
百 般 生 理 多 頭 路 ， Pah-poaⁿ seng-lí to thâu-lō·,
也 有 坐 店 佮 開 舖 ， iā-ū chē tiàm kah khui-phò·，
也 有 赴 墟 排 街 路 ， iā-ū hù hi pâi koe-lō·,
也 有 講 古 拆 字 數 ， iā-ū kóng-kó· thiah jī-sò·,
也 有 牽 罟 佮 落 膚 。 iā-ū khan-ko· kah lo̍h-pho·.
日 出 而 作 ， 日 入 而 息 ， Ji̍t- -chhut jî chok, ji̍t- -ji̍p jî sek,
不 識 不 知 ， 舜 帝 之 則 。 put sek put ti, Sùn-tè chi chek.
后 稷 教 民 稼 穡 ， Hō· Chek kàu bîn kà-sek (sit)
也 着 種 ， 也 着 播， iā to̍h chèng, iā to̍h pò·,
耕 作 着 認 路 ， keng-choh to̍h jīn-lō·,
田 園 着 照 顧 ， chhân-hn̂g to̍h chiàu-kò·,
也 卜 食 ， 也 卜 租 ， ā beh chia̍h, ā beh cho·,
毋 通 拋 荒 成 草 埔 。 m̄-thang pha-hng chiâⁿ chháu-po·.
破 桶 着 箍 ， 破 鼎 着 補 ， Phòa-thang to̍h kho·, phòa-tiáⁿ to̍h pó·,
莫 嫖 莫 賭 ， 勤 儉 有 補 所。 bo̍h phiâu bo̍h tó·, khûn-khiām iú pó·-só·.
謹 作 着 謹 收 ， Kín choh to̍h kín siu,
守 望 相 助 是 農 儔 。 siú-bōng-siong-chō· sī lông-tiû.
早仔粟，代先收， Chá-á-chhek tāi-seng siu,
圓 粒 、 埔 占 佮 清 油 , îⁿ-lia̍p, po·-chiam kah chheng-iû,
烏 占 、 白 殼 軟 兼 滑 ， o·-chiam, pe̍h-khak nńg kiam ku̍t,
芒 花 、 青 稿 、 鵝 卵 秫 ， bâng-hoe, chheⁿ-kó, gô-nn̄g-chu̍t,
荳 、 麻 、 麥 、 黍 各 件 出 ， tāu, môa, be̍h, soé, kok kiāⁿ chhut,
荳 芽 、 荳 菜 計 着 鬱 。 tāu-gê, tāu-chhài kè to̍h ut.
囓 甘 蔗 ， Khòe kam-chià,
前 頭 入 後 頭 出 ， chêng-thâu ji̍p, āu-thâu chhut,
擘 塗 豆 ， peh thô·-tāu,
捲 螺 風 透 刜 刜 ， kńg-lôe-hong thàu-phut-phut,
囡 仔 豬 箠 亂 亂 笏 。 gín-á ti-chhê lōan-lōan bu̍t.
春 夏 秋 冬 ， Chhun, hā, chhiu, tang,
四 時 勤 勞 ， sù sî khûn-lô,
毋 通 想 風 騷 ， m̄-thang siūⁿ hong-so,
毋 通 想 佚 陶 。 m̄-thang siūⁿ chhit(thit)-thô.
父 母 着 孝 順， Pē-bú to̍h hàu-sūn,
兄 弟 着 合 和 ， hiaⁿ-tī to̍h ha̍p-hô,
井 內 無 水 着 來 淘 ， chíⁿ-lāi bô chúi to̍h lâi tô,
水 內 有 魚 着 下 笱 ， chúi-lāi ū hî to̍h hē kô,
會 庄 掠 賊 着 拍 鑼 ， hē-chng lia̍h-chha̍t to̍h phah-lô,
壯 丁 着 盡 出 ， chòng-teng to̍h chīn-chhut,
竹 篙 鬥 菜 刀 ， tek-ko tàu chhài-to,
籐 牌 、 鳥 銃 、 鉤 鐮 , tîn-pâi, chiáu-chhèng, kau-liâm,
韃 刀 、 弓 箭 、 鐵 耙 、 that-to, keng-chìⁿ, thih-pê,
柴 槌 、 干 戈 。 chhâ-thûi, kan-ko.
家 內 飼 豬 着 豬 槽 ， Ke-lāi chhī-ti to̍h ti-chô,
湆 着 多 ， 潘 着 醪 ； ám to̍h chōe, phun to̍h lô,
新 豬 母 ， 老 豬 哥 ； sin ti-bó, lāu ti-ko,
豬 胚 照 路 行 ， ti-phoe chiàu lō· kiâⁿ,
豬 囝 濫 糝 趖 ， ti-kiáⁿ lām-sám sô,
赤 牛 羔 ， 水 牛 母 ， chhiah-gû-ko, chúi-gû-bó
羊 母 羊 囝 滿 山 趖 ； iûⁿ-bó, iûⁿ-kiáⁿ, móa-soaⁿ sô,
鳥 、 鴨 、 雞 、 鵝 ； chiáu, ah, koe, gô,
閹 雞 趁 鳳 飛 , iam-ke thàn hōng phoe,
雞 囝 綴 雞 母 。 ke-kiáⁿ tòe ke-bó.
大 厝 九 包 五 ， Tōa-chhù káu pau gō·,
三 落 百 二 門 ， saⁿ-lo̍h pah-jī mn̂g,
糖 間 兼 粟 倉 ， thn̂g-keng kiam chhek-chhng,
大 礐 兼 花 園 ； tōa-ha̍k kiam hoe-hn̂g,
池台水閣， tî-tâi chúi-koh,
塗 樓 兼 石 坊 ； thô·-lâu kiam chio̍h-hng,
三 餐 五 味 ， sam-chhan ngó·-bī,
四 撇 一 碗 湯 ； sì-phiat chi̍t-oáⁿ thng;
玳 瑁 貓 ， 守 粟 倉 ， tāi-bō-niau, siú chhek-chhng,
金 獅 狗 ，守 後 門 ； kim-sai-káu, siú āu-mn̂g,
田 園 千 萬 甲 ， chhân-hn̂g chhâiⁿ-bān kah
公 館 百 二 庄 ， kong-kóan pah-jī chng,
奴 才 掃 地 煎 茶 湯 ； lô·-châi sàu-tè choaⁿ tê-thng,
查 某 女間 捶 腰 骨 ， cha-bó·-kán tûi io-kut,
拌 眠 床 。 pōaⁿ bîn-chhn̂g.
一 妻 一 妾 敖 佫 媠 ， Chi̍t-chhe chi̍t-chhiap gâu koh súi,
就 勸 丈 夫 做 生 理 ， chiū khǹg tiōng-hu chòe seng-lí,
造 起 橫 洋 十 三 隻 ， chō khí hôaiⁿ-iûⁿ cha̍p-saⁿ chiah,
當 店 兼 油 車 ， tǹg-tiàm kiam iû-chhia,
郊 行 搭 夥 計 ； kau-hâng tah hé-kì,
上 天 津 、 廣 東 、 chiūⁿ Tian-chin, Kńg-tang,
蘇 州 買 湖 絲 。 So·-chiu bóe hô·-si.
看 見 蘇 州 婆 真 文 理 ， Khòaⁿ-kìⁿ So·-chiu-pô chin bûn-lí
十 八 廿 二 少 年 時 ， cha̍p-po̍eh lia̍p-jī siàu-liân-sî,
紅 喙 唇 ， 白 喙 齒 ， âng chhùi-tûn, pe̍h chhùi-khí,
穿 插 有 排 祉 ， chheng-chhah ū pâi-chí,
金 手 環 ， 玉 手 指 ， kim-chhiú-khôan, gio̍k-chhiú-chí,
也 乖 巧 ， 也 伶 俐 ； iá koai-khá, iá léng-lī,
琴 棋 書 畫 盡 都 是 ； khîm, kî, su, ūi, chīn to sī,
緞 被 紗 帳 帘 ， tōan-phē, se-tiùⁿ-lî,
牙 床 頂 ， 芳 花 味， gê-chhn̂g téng, phang-hoe bī,
一 身 白 如 麵 ， chi̍t-sin pe̍h jû mī,
兩 奶 軟 似 綿 ， nn̄g-ni nńg sū mî,
桃 花 面 ， 點 胭 脂 ， thô-hoe-bīn, tiám ian-chi,
紅 奶 罩 ， 掛 錦 墘 ， âng ni-tàu, kòa gím-kîⁿ,
紅 綾 鞋 ， 金 聰 邊 ， âng lêng-oê, kim-chhong piⁿ,
飲 酒 吟 詩 ， ím-chiú gîm-si,
相 牽 看 戲 ， sio-khan khòaⁿ-hì,
搬 來 又 搬 去 ， poaⁿ lâi iū poaⁿ khì
交 膚 貼 肉 同 床 共 枕 。 kau hu tah bah, tông chhn̂g kāng chím.
有 生 理 ， Ū seng-lí,
一 位 夥 計 來 叫 伊 ， chi̍t-ūi hé-kì lâi kiò i,
看 見 兩 儂 睏 未 起 ， khòaⁿ-kìⁿ nn̄g-lâng khùn bōe khí,
講 叫 貨 物 買 全 備 ， kóng kiò hè-bu̍t bóe chôan-pī,
若 毋 轉 鄉 里 ， nā m̄ tńg hiuⁿ-lí,
恐 驚 生 理 缀 伊 去 , khióng-kiaⁿ seng-lí tè i khì,
陷 眠 聽 見 就 ⻊百 起 ， hām-bîn thiaⁿ- -kìⁿ to̍h peh-khí,
目 屎 糊 目 墘 ， ba̍k-sái kô· ba̍k-kîⁿ,
是 我 一 時 真 呆 痴 ， sī góa chi̍t-sî chin tai-chhi,
看 見 蘇 州 婆 ， khòaⁿ-kìⁿ So·-chiu-pô,
心 肝 綿 綿 ； sim-koaⁿ mî-mî,
夥 計 就 勸 伊 ， hé-kì chiū khǹg i,
當 來 蘇 州 做 生 理 ， taⁿ lâi So·-chiu chòe seng-lí,
敢 來 放 蕩 破 了 錢 ； káⁿ lâi hòng-tōng phòa liáu-chîⁿ,
蘇 州 婆 ， 講 話 就 應 伊 ， So·-chiu-pô, kóng-oē chiū ìn i,
青 春 少 年 時 ， chheng-chhun siàu-liân-sî,
不 嫖 不 樂 是 卜 年 ? put phiâu put lo̍k sī beh-nî?
聽 汝 講 ， 都 也 是， thiaⁿ lú kóng, to iā-sī,
少 年 揣 幾 時 。 siàu-liân chhē kúi sî.
白 了 工 ， 也 了 錢 ， Pe̍h liáu-kang, iā liáu-chîⁿ,
連 嫖 四 月 日 ， liân phiâu sì ge̍h-ji̍t,
錢 銀 了 去 兩 萬 四 ， chîⁿ-gûn liáu khì nn̄g-bān-sì,
收 拾 行 李 卜 轉 去 siu-si̍p hêng-lí beh tńg–khì,
就 叫 蘇 州 婆 ， chiū kiò So·-chiu-pô,
來 相 辭 ， lâi saⁿ sî,
生 理 若 猶 有 趁 錢 ， seng-lí nā iáu-ū thàn-chîⁿ,
明 年 再 來 總 未 遲 ； mê-nî chiah lâi chóng bōe tî,
蘇 州 婆 目 屎 流 ， 目 屎 滴 ， So·-chiu-pô ba̍k-sái lâu, ba̍k-sái tih,
毋 甘 拆 分 離 ， m̄-kam thiah-hun-lî,
夥 計 就 勸 伊 ， hé-kì chiū khǹg i,
蘇 州 婆 卜 汝 錢 So·-chiu-pô beh lí chîⁿ,
咬 薑 母 擦 目 墘 kā kiuⁿ-bó chhit ba̍k-kîⁿ,
假 有 心 ， 假 有 意 ， ké ū-sim, ké ū-ì,
目 屎 淚 淋 漓 ， ba̍k-sái lūi lâm-lî,
騙 汝 一 隻 戇 大 豬 ； phiàn lí chi̍t-chiah gōng-tōa-ti,
了 錢 無 要 緊 ， liáu-chîⁿ bô-iàu-kín,
無 生 瘡 ， 是 汝 造 化 是。 bô siⁿ-chhng, sī lí chō-hòa-sī.
上 行 點 貨 味 ， Chiūⁿ hâng tiám hè-bī,
橫 洋 十 三 隻 ， hôaiⁿ-iûⁿ cha̍p-saⁿ chiah,
買 甲 滿 滿 是 ， bóe kah móa-móa-sī,
海 面 生 理 ， hái-bīn seng-lí,
望 天 保 庇 ； bāng thiⁿ pó·-pì,
順 風 相 送 ， sūn-hong sio-sàng,
緊 赴 過 年 ； kín hù kè-nî,
满 街 做 戲 ； móa koe chò-hì,
也 有 賀 壽， iā-ū hō-siū,
也 有 團 圓 ； iā-ū thôan-îⁿ,
湖 絲 客 大 本 錢 ， hô·-si-kheh tōa pún-chîⁿ,
跋 繳 儂 看 見 ， po̍ah-kiáu-lâng khòaⁿ-kìⁿ,
思 想 伊 ， su-siúⁿ i,
有 儂 招 伊 「 硩 撚 寶 」， ū lâng chio i " teh-lián-pó· ",
有 儂 招 伊 「 釣 白 魚 」， ū lâng chio i " tiò-pe̍h-hî ",
有 儂 招 伊 「 骰 九 叫 」， ū lâng chio i " tâu-káu-kiò ",
有儂招伊「硩闔笑」 ū lâng chio i " teh-khap-kiò ".
湖 絲 客 毋 敢 聽， Hô·-si-kheh m̄-káⁿ thiaⁿ,
雨 傘 攑 起 做 伊 行 , hō·-sòaⁿ gia̍h-khí chòe-i-kiâⁿ,
直 到 廈 門 泉 州 城 ； ti̍t kàu Ē-mn̂g Chôan-chiu siâⁿ,
郊 行 家 長 來 探 聽 ， kau-hâng ka-tiúⁿ lâi thàm-thiaⁿ,
看 見 相 牽 手 ， khòaⁿ-kìⁿ sio-khan-chiú,
做 夥 行 ； chò-hóe kiâⁿ,
問 伊 貨 物 是 乜 件? mn̄g i hè-bu̍t sī mih-kiāⁿ?
一 一 唸 來 聽 ； it-it liām lâi thiaⁿ,
就 講 橫 洋 十 三 隻 ， chiū kóng hôaiⁿ-iûⁿ cha̍p-saⁿ chiah,
講 着 汝 總 驚 ， kóng tio̍h lí chóng kiaⁿ,
湖 絲 百 二 擔 ， hô·-si pah-jī tàⁿ,
人 蔘 廿 八 車 ； jîn-som lia̍p-poeh chhia,
鴉 片 塗 兩 隻 半, a-phiàn-thô· nn̄g-chiah-pòaⁿ,
珍 珠 、 財 寶 chin-chu, châi-pó,
七 十 二 萬 件 ， chhit-cha̍p-jī bān kiāⁿ,
綢 緞 、布 匹 下 兩 隻 , tiû-tōan, pò·-phit hē nn̄g-chiah,
粗 硘 、幼 碟 、 器 具、 chho·-hûi, iù-ti̍h, khì-kū,
共 七 隻 , kiōng chhit-chiah,
紙 料 、食 物 chóa-liāu, chia̍h-mi̍h,
千 千 萬 萬 件 。 chhaiⁿ-chhaiⁿ bān-bān kiāⁿ.
敢 問 家 長， káⁿ mn̄g ka-tiúⁿ,
當 今 生 理 ， tong-kim seng-lí,
啥 物 會 行 時 ? siáⁿ-mi̍h ē kiâⁿ-sî?
就 說 染 房 布 生 理 ， chiū seh ní-pâng-pò· seng-lí,
好 歹 長 短 中 儂 意 ， hó-pháiⁿ tn̂g-té tèng-lâng-ì,
金 絨 工 夫 染， kim-jiông kang-hu ní,
楣 梭 兼 軟 池 ， bî-so kiam nńg-tî,
干 烏 兼 踏 洗 ， kan-o· kiam ta̍h-sóe,
半 烏 紗 頭 淺 ， pòaⁿ o· se thâu chhíⁿ,
襖 頭 丹 井 是 白 身； ò-thâu tan chíⁿ sī pe̍h-sin,
月 白 天 藍 冬 瓜 淺 ， ge̍h pe̍h thiⁿ nâ tang-koe chhián,
氈 條 毯 褥 無 比 止 ； chian-tiâu thán-jio̍h bô-pí-chí,
棉 襀 被 透 清 棉； mî-chioh-phē thàu chheng mî,
膠 州 帽 滾 絨 墘 ； Ka-chiu-bō kún jiông kîⁿ,
茄 紋 蓆 掛 萬 字 , ka-bûn-chhio̍h kòa bān-jī,
麻葛蕉苧是粗布， môa-koah chio-tōe sī chho·-pò·,
惟有大田是幼糊； ûi-iú tōa-chhân sī iù kô·,
漳紗、湖紗、青絲羅， Chiang-se, hô·-se, chhiⁿ-si-lô,
頂戴，鞋襪、靴袍帽 téng-tài oê be̍h, hia phâu bō,
海南葛，白紡苧， Hái-lâm-koah, pe̍h-pháng-tē,
蘇白扇、草蒲鞋， so·-pe̍h-sìⁿ, chháu-pô·-oê,
銅薰吹、金聰袋， tâng hun-chhe, kim-chhang-tē,
蘇腰帶、紅箬笠， so· io-tòa, âng hio̍h-lo̍eh,
包袱皮、花藜藜， pau-ho̍k-phê, hoe-lê-lê,
貢緞、繭綢兼縐紗 kòng-tōan, kián-tiû kiam jiâu-se,
春綢六加素， chhun-tiû la̍k-ka-sò·,
紫薇裘、嗶嘰褲； chí-bî-hiû, pek-ki-khò·,
淺跤巾， 烏頭布、 chhíⁿ kha-kun, o· thâu-pò·,
紅嗶嘰、哆囉呢， âng pek-ki, to-lô-nî,
程香袍、羅漢衣。 thiâⁿ-hiong-phàu, lô-hàn-i.
《千金譜》（二）
廣東店好佚陶； Kńg-tang tiàm, hó thit-thô,
水晶、玻璃白波波； chúi-chiⁿ, po-lê pe̍h-pho-pho,
玉手環、金手鍊， gio̍k-chhiú-khôan, kim-chhiú-liān,
珊瑚樹、瑪瑙珠； soan-ô·-chhiū, bé-ló-chu,
珍珠龍鳳墜、 chin-chu liông-hōng-thūi,
金髻 簪花圍, kim-kè chiam-hoe-ûi,
角車掛秀閨， kak-chhia kòa siù-kui,
木屐撘、釘仔錘、 ba̍k-kia̍h-tah, teng-á-thûi,
耳鉤、齒托雙爿墜， hī-kau, khí-thok siang-pêng tūi,
柴梳、虱擯佮針線； chhâ-se, sat-pìn kah chiam-sòaⁿ,
萬年紅，蓋漳盤， bān-liân-hông, kài chiang-pôaⁿ,
烏絃、白扯、烏冇線； o·-hiân, pe̍h-chhiá, o·-phàⁿ-sòaⁿ,
石青、金黃、牙囒盤， chio̍h-chheng, kim-n̂g, giâ-lan-pôaⁿ,
鉸剪刀、釐戥秤， ka-chián-to, lî-téng-chìn,
鏡面紐、紗線絪， kiàⁿ-bīn-liú, se-sòaⁿ-in,
骹帛、飾褲佮鞋面； kha-pe̍h, sek-khò· kah oê-bīn,
荷包鬚、褲頭綾， hâu-pau-chhiu, khò·-thâu-lêng,
水晶鏡、玻璃燈， chúi-chiⁿ, po-lê-teng,
銀豆、八寶佮銜鈴， gûn-tāu, pat-pó kah hâm-lêng,
羅經、八卦定時鐘； lô-kiⁿ, pat-kòa tēng-sî-cheng,
腰刀、牙箸、玻璃盅. io-to, gê-tī, po-lê-cheng.
簳仔店，厚賒欠， kám-á-tiàm, kāu sia-khiàm,
也有貴，也有賤， iā-ū kùi, iā-ū chiān,
有現錢，有便宜， ū hiān-chîⁿ, ū pân-gî,
欠貨味補來添； khiàm hè-bī, pó· lâi thiⁿ,
就向湖絲客 chiū hiòng hô·-si-kheh,
交關起， kau-koan khí,
海參佮蝦米， hái-som kah hê-bí,
蟶乾、烏魚子； than-koaⁿ, o·-hî-chí,
鰆乾、鯊魚翅； chhun-koaⁿ, soa-hî-chhì,
雪筍佮栗子， soat-sún kah la̍t-chí,
龍腸、蚵乾佮螺片； liông-tn̂g, ô-koaⁿ kah lê-phìⁿ,
燕窩佮鹿筋， iàn-o kah lo̍k-kun,
鮑魚佮鰇魚 pau-hî kah jiû-hî,
墨賊，扁魚佮花枝， ba̍k-cha̍t, píⁿ-hî kah hoe-ki,
煙棰(煙仔)佮銀魚， ian-thûi kah gûn-hî,
鹿脯烏魚腱 lo̍k-pó· o·-hî-kiān,
香菇、紫菜佮木耳； hiuⁿ-ko·, chí-chhài kah bo̍k-ní,
金針、冬粉佮滸苔； kim-chiam, tang-hú kah hó·-thî,
汫仔脯、鹹鯧魚， chiáⁿ-á-pó·, kiâm-chhiuⁿ-hî,
珠螺鮭、紅瓜魚， chu-lê-kôe, âng-koe-hî,
丁香鮭、鹹鱌耳， teng-hiuⁿ-kôe, kiâm chhiūⁿ-ní,
鮦仔鮭、烏蚶佮紅蝦； tâng-á-kôe, o·-ham kah âng-hê,
大鮸、西刀佮塗魠， tōa-bián, sai-to kah thô·-thuh,
紅蟳、花鮡佮鹹蠘； âng-chîm, hoe-thiâu kah kiâm-chhi̍h,
竹蟶、白蟶、熟龍舌， tek-than, pe̍h-than, se̍k-lêng-chi̍h,
加網、鰍鮕、 ka-bāng, chiu-ko·,
牛尾佮金錢； gû-bóe kah kim-chîⁿ,
田螺、水龜、鱔魚、鱉 chhân-lê, chúi-ku, siān-hî, pih,
鰗鰡、水雞、 hô·-liu, súi-koe,
青虳佮毛蟹； chhiⁿ-ioh kah mô·-hoē
加愁，公玳及生鮓； ka-chhiû, kong-tāi ki̍p chhiⁿ-thē,
塗龍、赤鯮兼月鱱， thô·-liông, chhiah-chang kiam ba̍k-lē,
十籮佮八籮； cha̍p-lôa kah poeh-lôa,
烏鯰、塗虱； o·-liâm, thô·-sat,
鯽斑、烏耳鰻； chit-pan, o·-hī-môa,
鯉魚、鰱魚佮海鰻, tāi-hî, liâm-hî kah hái-môa,
豆籤、麵線、米粉乾； tāu-chhiam, mī-sòaⁿ, bí-hún-koaⁿ,
鴨卵、魚脯、蕨仔乾 ah-nn̄g, hî-pó·, keh-á-koaⁿ,
葫椒、八角兼豆乾, hô·-chio, poeh-kak, kiam tāu-koaⁿ.
大燭、燭仔、燈火盞； tōa-chek, chek-á, teng-hé-chóaⁿ,
高錢、壽金、三界紙； ko-chîⁿ, siū-kim, sam-kài-chóa,
大炮、連炮、新烘爐； tōa-phàu, liân-phàu, sin hang-lô·,
天金、尺金、降真爐； thiⁿ-kim, chhioh-kim, kàng-chin-lô·,
淨香、束柴、金白鼓； chēng-hiuⁿ, sok-chhâ, kim-pe̍h-kó·,
大鈸、中鈸、經衣紙； tōa- poa̍h, tiong-poa̍h, keng-i-chóa,
替身、白虎、精神紙； thòe-sin, pe̍h-hó·, cheng-sîn-chóa,
篾香、白束佮粗紙； bi̍h-hiuⁿ, pe̍k-sok kah chho·-chóa,
常興、瑞泰、金蘭薰； siông-heng, sūi-thài, kim-lân-hun
烏厚、紅蘭、舊露薰； o·-kāu, âng-lân, kū-lō·-hun,
貢絲、奇品及時春； kòng-si, kî-phín ki̍p sî-chhun,
肉桂、朱雀佮奇珍； jio̍k-kùi, chu-chhiok kah kî-tin,
慶安、川盛及信興； khèng-an, chhoan-sēng ki̍p sìn-heng,
柿果、桔餅佮冰糖； khī-kóe, phòng-piáⁿ kah peng-thn̂g,
蓮子、薏仁佮肉棗； liân-chí, ì-jîn kah jio̍k-chó,
桔紅、紅棗、雲片糕； kiat-âng, âng-chó, hûn-phiàn-ko,
麻荖、米荖佮核桃； môa-láu, bí-láu kah hu̍t-thô,
水晶餅、綠豆糕、 chúi-chiⁿ-piáⁿ, le̍k-tāu-ko,
油酥餅、千層糕； iû-so·-piáⁿ, chhian-têng-ko,
雪花、椪餅、瓜子糕 soat-hoe, phòng-piáⁿ, koe-chí-ko,
口香、棋子佮石糕; kháu-hiong, kî-jí kah chio̍h-ko,
雞卵糕、鹹肉糕、 koe-nn̄g-ko, kiâm-bah-ko,
葡萄乾；紅柑； phû-tô-koaⁿ, âng-kam,
福員、紅柚桃， hok-oân, âng-iū-thô,
五壽、蜜餞佮麵桃； ngó·-siū, bi̍t-chiàn kah mī-thô,
紅龜、紅粿，包仔、 âng-ku, âng-kóe, pau-á,
粯仔着酵母 hiān-á to̍h kàⁿ-bó,
燒金、公捐，着拍鑼。 sio-kim kong-iân to̍h phah-lô,
硘仔店、也有欠； hûi-á-tiàm, iā-ū khiàm,
卜買大醃缸， beh bóe tōa am-kng,
大鼎、東洋佮灶磚 tōa-tiáⁿ, tang-iûⁿ kah chàu-chng,
雁子做灶門； gān-chí chòe chàu-mn̂g,
鐵銚、鍋仔佮茶鈷； thih-thio, oe-á kah tê-kó·,
煎匙、火鉗佮烘爐； chian-sî hóe-khîⁿ kah hang-lô·,
急燒、火炭佮水壺； kip-sio, hé-thòaⁿ kah chúi-ô·,
甕鍾、托盤佮香爐 àng-cheng, thok-pôaⁿ kah hiuⁿ-lô·,
燭台、香筒佮宣爐； chek-tâi, hiuⁿ-tâng kah soan-lô·,
茶甌、茶罐、十付盞； tê-au, tê-kòan, cha̍p-hù chóaⁿ,
花矸、古盤、什錦碗； hoe-kan, kó·-pôaⁿ, si̍p-gím-oáⁿ,
碗仔、碟仔、湯匙合一盤 oáⁿ-á, ti̍h-á, thng-sî ha̍p chi̍t-pôaⁿ,
一个錫瓶十雙箸， chi̍t-ê siah-pân cha̍p-siang tī,
大撇、斗碗佮幼碟； tōa-phiat, táu-oáⁿ kah iù-ti̍h,
粗硘、粗缽着較賤。 chho·-hûi, chho·-poah to̍h khah chiān,
大坩、矸仔、酒盅盤 tōa-khaⁿ, kan-á, chiú-cheng-pôaⁿ,
新水桶、着好擔， sin chúi-tháng, to̍h hó taⁿ,
新飯斗臭杉柴 sin pn̄g-táu, chhàu sam-chhâ,
面桶仔着漆紅 bīn-tháng-á, to̍h chhat âng,
骹桶、腰桶着好杉 kha-tháng, io-tháng to̍h hó sam,
摔桶、炊桶佮跋桶； siak-tháng, chhe-tháng, kah pho̍ah-tháng,
戽桸，鱟桸兼飯籬， hò·-hia, hāu-hia kiam pn̄g-lē,
鼎簳、水升 tiáⁿ-kám, chúi-chin,
匏桸兼鼎銼， pû-hia kiam tiáⁿ-chhoè,
廚房着齊備， tû-pâng to̍h chê-pī,
煮食有好味, chú-chia̍h ū hó bī,
鹽、糟、醬、醋佇灶邊； iâm, chau, chiùⁿ, chhò·, tī chàu-piⁿ,
豆油兼豆豉， tāu-iû kiam tāu-sīⁿ,
蔥頭永不離； chhang-thâu éng put-lī,
砧着厚、刀着利， tiam to̍h kāu, to to̍h lāi,
切蔥菜、切魚肉， chhiat chhang-chhài, chhiat hî-bah,
芫荽、芹菜枝， iân-sui, khûn-chhài-ki,
韭菜、茼蒿一大披； kú-chhài, tâng-o chi̍t-tōa-phi,
芥菜、菠薐佮筍絲； kòa-chhài, phe-lêng kah sún-si,
芥藍、茄茉佮薑絲； kè-nâ, ka-boa̍h kah kiuⁿ-si,
莧菜、蕹菜正着時； hēng-chhài, èng-chhài, chiàⁿ-tio̍h-sî,
蕗蕎、白菜、竹仔枝， lō·-kiō, pe̍h-chhài, tek-á-ki,
菜色買全備, chhài-sek bóe chôan-pī,
卜買豬肝、腰子佮豬肺； beh bóe ti-koaⁿ, io-chí, kah ti-hì,
煮豬血，着豬油， chú ti-huih tio̍h ti-iû,
大腸、小臟一大毬； tōa-tn̂g, sió-chn̄g chi̍t-tōa-kiû,
豬頭尾，炕鹹菜； ti-thâu-bé khòng kiâm-chhài,
豬骹蹄，總着煨， ti-kha-tôe chóng to̍h e,
炒豬舌，韭菜花； chhá ti-chi̍h kú-chhài-hoe
豬毛、屎尿，壅苦瓜； ti-mô· sái-jiō èng khó·-koe,
飯着炊、肉着煨， pn̄g to̍h chhe, bah to̍h e,
肉湯，炕苦瓜。 bah-thng khòng khó·-koe,
山珍海味，着酒配， san-tin hái-bī tio̍h chiú phòe,
紹興老酒浸木瓜； Siāu-heng ló-chiú chìm bo̍k-koe,
高梁、火燒刀， kau-liâng hé-sio-to,
七甕、十四鍋； chhit àng cha̍p-sì e,
卜食粿，家己炊， beh chia̍h-ké ka-kī chhe,
甜粿、肉粽、麻糍、豆花 tiⁿ-ké, bah-chàng, môa-chî, tāu-hoe,
米糕、發粿、樹子、醃瓜 bí-ko, hoat-ké, chhiū-chí, am-koe,
檨仔、龍眼、藍菝、菜瓜 sōaiⁿ-á, lêng-géng, nâ-pu̍t (nâ-po̍at), chhài-koe,
弓蕉、王梨、紅柿、西瓜 keng-chio, ông-lâi, âng-chhī, si-koe,
涼粉、田草、刺瓜、 liâng-hún, chhân-chháu, chhì-koe
粉粿、椪柑、芳水梨， hún-ké, phòng-kam, phang-chúi-lâi,
蓮霧、香果佮冬瓜； lián-bū, hiong-kó kah tang-koe,
果子佮荔枝， ké-chí kah nāi-chi,
其性味不齊； kî sèng bī put-chê,
甜酸苦辣澀， tiⁿ, sng, khó·, lo̍ah, siap,
梅仔酸齒牙, mûi-á sng khí-gê,
米篩毋通疏； bí-thai m̄-thang soe,
簸箕、簳壺着雙个； pòa-ki, kám-ô· to̍h siang-ê,
粗糠、碎米好飼雞； chho·-khng, chhùi-bí hó chhī-koe,
蟶籃、布袋着整齊； than-nâ, pò·-tē to̍h chéng-chê,
糴米着草地， tia̍h-bí to̍h chháu-tē,
糶米着米街； thiò-bí to̍h bí-koe,
穀場、厝埕好曝粟； kok-tiûⁿ, chhù-tiâⁿ hó pha̍k-chhek,
曝粟着趕雞， pha̍k-chhek tio̍h kóaⁿ koe,
風櫃、舂臼着雙个； hong-kūi, cheng-khū to̍h siang-ê,
白米糶未了， pe̍h-bí thiò bōe liáu,
糴粟佫來挨； tia̍h-chhek koh lâi oe,
姿娘儂， chu-niû-lâng,
勿會當篩，總着挨， bōe-tàng thai, chóng to̍h oe,
勿會當舂，總着耙； bōe-tàng cheng, chóng to̍h pê,
喙焦食冷水， chhùi-ta chia̍h léng-chúi,
有儂食燒茶； ū lâng chia̍h sio-tê,
卜放尿改換鞋， beh pàng-jiō, ké-oāⁿ oê,
放尿有懸下， pàng-jiō ū kôaiⁿ-kē,
聲音有大細， siaⁿ-im ū tōa-sòe,
三个官名有等第； saⁿ ê koaⁿ-miâ ū téng-tē,
尚書、撫院、總督 siūⁿ-su, bú-īⁿ, chóng-tok,
做一齊， chòe it-chôe,
真怪意， chin kòai-ì,
互儂想勿會出即巧物， hō· lâng siūⁿ bōe chhut chit khá-mi̍h,
家內卜椅桌， ke-lāi beh í-toh,
就倩師父做敆作； chiū chhiàⁿ sai-hū chòe kap choh,
先做長案八仙桌 seng chòe tn̂g-àn pat-sian-toh,
也卜交椅兼几桌； iā-beh kau-í kiam kí-toh,
椅頭、椅條、六仙桌； í-thâu, í-liâu, la̍k-sian-toh,
學士椅、太師桌 ha̍k-sū-í, thài-su-toh,
柴屏、圍架佮嫁妝； chhâ-pîn, ûi-kè kah kè-chhng,
骹踏枋、紅眠床， kha-ta̍h-pang, âng bîn-chhn̂g,
桌枰、桌櫃佮櫥門； toh-pêng, toh-kūi kah tû-mn̂g,
也卜起祠堂， iā-beh khí sû-tn̂g,
大杉做中樑， tōa-sam chòe tiong-niû,
大柱做中門， tōa-thiāu chòe tiong-mn̂g,
楹桷椽板着互長； êⁿ-kak iân-pán to̍h hō· tn̂g,
大柱四儂掆， tōa-thiāu sì-lâng kng,
石條油面磚； chio̍h-liâu iû-bīn-chng,
石柱、石珠、雁子磚； chio̍h-thiāu, chio̍h-chu, gān-chí-chng,
瓦甓、瓦筒、六角磚， hiā-phia̍h, hiā-tâng, la̍k-kak-chng,
六角磚下好花園。 la̍k-kak-chng ē hó hoe-hn̂g。
十二月尾是年兜， cha̍p-jī ge̍h-bé sī nî-tau,
家家戶戶都放炮； ke-ke hō·-hō· to pàng-phàu,
有儂炊甜粿， ū lâng chhe tiⁿ-ké,
有儂炊肉包； ū lâng chhe bah-pau,
有儂洗茶罐， ū lâng sóe tê-kòan,
有儂洗茶甌； ū lâng sóe tê-au,
大儂亂操操， tōa-lâng lōan-chhau-chhau,
囡仔愛年到； gín-á ài nî kàu,
也卜換新聯， iā-beh oāⁿ sin-liân,
也卜放大炮， iā-beh pàng tōa-phàu,
娶新娘， chhōa sin-niû,
正是年暝兜； chiàⁿ-sī nî-mê-tau,
頂厝，儂裁衣， téng-chhù lâng chhâi-i,
下厝，儂冠笄； ē-chhù lâng kòan-ke,
儂馬挨挨， lâng-bé oe-oe,
有儂刣鴨，有儂刣雞， ū lâng thâi ah, ū lâng thâi koe,
辭年共一齊, sî nî kāng-it-chôe,
除夕天光是元旦， tû-se̍k thiⁿ kng sī gôan-tàn,
老幼相慶讚； ló-iù sio khèng chàn,
老儂賀長壽， lāu-lâng hō tiông-siū,
囡仔賀大漢； gín-á hō tōa-hàn,
萬紫千紅是新春， bān-chí chhian-hông sī sin-chhun,
滿街滿巷穿紅裙； móa-koe móa-hāng chhēng âng-kûn,
姿娘請做客， chu-niû chhiáⁿ chòe-kheh,
男子娶新婚； lâm-chú chhōa sin-hun,
東街做五福， tang-koe chòe ngó·-hok,
西街唱郎君 sai-koe chhiùⁿ lông-kun,
有儂請檳榔， ū lâng chhiáⁿ pin-nn̂g,
有儂請食薰； ū lâng chhiáⁿ chia̍h-hun,
有儂看弄龍， ū lâng khòaⁿ lāng-liông,
有儂唱崑腔； ū lâng chhiùⁿ khun-khiang,
新春好景緻， sin-chhun hó kéng-tì,
迎尪請佛正及時， ngiâ-ang chhiáⁿ-pu̍t chiàⁿ ki̍p-sî,
鼓吹鑼鼓雙爿邊， kó·-chhe lô-kó· siang-pêng-piⁿ,
做頭前，攑大旗； chóe-thâu-chêng, gia̍h tōa-kî,
馬隊藝棚車鼓歌， bé-tūi gē-pîⁿ chhia-kó·-koa,
南管北管兼涼傘； lâm-kóan, pak-kóan kiam niû-sòaⁿ,
閒儂盡來看， êng-lâng chīn-lâi khòaⁿ,
滿街排香案； bóaⁿ-koe pâi hiuⁿ-àn,
嘻嘻嘩嘩， hi-hi hōa-hōa,
爐主頭家穿袍褂； lô·-chú thâu-ke chhēng phàu-kòa,
攑香相毝， gia̍h-hiuⁿ sio-chhōa,
卜請五福佮亂彈； beh chhiáⁿ ngó·-hok kah lōan-tân,
四平兼大班，嘉禮白字， sù-phêng kiam tōa-pan, ka-lé pe̍h-jī,
潮調老戲，九如如意 Tiô-tiāu, lāu-hì, kiú-jû jû-hì,
眾儂拈鬮， chèng-lâng liam-khau,
搭廠、搭棚， tah-chhiúⁿ, tah-pîⁿ,
桌枰、椅頭、 toh-pêng, í-thâu,
椅條佮交椅； í-liâu kah kau-í,
擔籠、鋪蓋、長柱、 tàⁿ-láng, pho·-kài, tn̂g-thiāu,
短柱佮布篷； té-thiāu kah pò·-phâng,
大桶、跤桶、 tōa-tháng, kha-tháng,
面桶、水桶， bīn-tháng, chúi-tháng,
秞草一百總, tiū-chháu chi̍t-pah cháng,
有儂擔水， ū lâng taⁿ-chúi,
有儂顧壇； ū lâng kò·-tôaⁿ,
有儂看戲， ū lâng khòaⁿ-hì,
有儂添火碗, ū lâng thiⁿ hé-oáⁿ,
正二是春頭， chiaⁿ-jī sī chhun-thâu,
眾儂迎佛了； chèng-lâng ngiâ-pu̍t liáu,
有儂車肥糞， ū lâng chhia pûi-pùn,
有儂清水溝； ū lâng chheng chúi-kau,
也卜買犁耙， iā-beh bóe lê-pē / lôe-pê,
也卜換鋤頭； iā-beh oāⁿ tî-thâu,
掛喙、鐵搭、 kòa-chhùi, thih-tah,
割耙齒、犁頭壁、 koah pē-khí, lôe-thâu-phiah,
耙仔齒、柴刀、 pē-á-khí, chhâ-to,
割鍥、鐮刀鍥； koah-keh, liâm-to-keh
棕蓑、草笠、刀枷、 chang-sui, chháu-lo̍eh, to-kê,,
斧頭、鑿仔、鋸鑢 pó·-thâu, chha̍k-á, kù-lōe
擴刀、轆鑽佮榫鍥。 khok-to, lak-chǹg kah sún-keh.
【《千金譜》注解（普通話）】
1、隸首：早人名。黃帝的史官，伊發明算盤，歷史上記載他是第一个創造算術的人。
2、倉頡：早人名。製造漢字的古代人。
3、赴墟：趕墟。華語「趕集」。
4、開舖：開店舖。
5、牽罟：拖漁網。
6、落膚：讀音lo̍h-pho·。膚，《易•噬嗑》六二噬膚。《註》膚者，柔脆之物也。 又豕肉爲膚。《儀禮•聘禮》膚鮮魚鮮腊。《註》膚，豕肉也。閩南語「落膚」，意思是說畜牧業主運載牲畜到市場去交易。
7、后稷：人名，古代周族的始祖，名弃，曾经被尧举为「农师」，被舜命为后稷。
8、認路：識本份。
9、補所：效果，報應。
10、農儔：農友。儔，夥伴、同伴。
11、圓粒、埔占、清油、烏占、白殼、芒花、青稿、鵝卵秫，都是水稻的品種名。圓粒是一種晚稻。埔占，是旱稻的總稱。清油，也叫清油早，是第一期稻的品種之一。烏占，也叫晚烏占（mńg-o·-chiam）、晚占（mńg-chiam），是第二期水稻的品種之一。白殼，也稱白殼早，是旱稻的品種之一。芒花，也叫芒花秫（bâng-hoe-chu̍t），是第一期所種的一種糯米稻。青稿，也叫青稿占，是第二期稻米的一種。鵝卵秫，也是一種秫米，因外形像似鵝卵而得名。早仔粟，即早稻。
12、鬱豆芽：指蘊育豆芽。
13、透刜刜：指風大，呼呼叫的樣子。
14、豬箠亂亂笏：指用趕豬棍胡亂揮舞。
15、四時，讀「sù-sî」，指四季。
16、風騷：指遊手好閒、到處逍遙遊逛。
17、佚陶：chhit-thô，遊玩、玩耍。
18、合和：ha̍p-hô，和好，協力。
19、淘井：tô- chíⁿ，清浚水井。
20、下笱：hē-kô，在水中放置笱來捕魚。笱，一種竹製的捕魚器。
21、籐牌、鳥銃、鉤鐮、韃刀、弓箭、鐵耙、柴槌、干戈，都是一些武器。藤牌，是一種藤製的圓形盾牌。鉤鐮，鐮形尖頭的兵器，有鉤鐮鎗、鉤鐮刀等。韃刀（that-to），古代軍用長刀。柴槌，木棍。干戈（kan-ko），干和戈是古代常用武器，因以「干戈」用作兵器的通称。
22、湆，ám，指稀飯中的米湯。潘，phun，指餿水，一般用來喂豬。
23、豬胚，ti-phoe，生長中的豬隻。
24、濫糝趖，到處瞎逛、亂闖。
25、羊羔：iûⁿ-ko，綿羊。
26、閹雞趁鳳飛，是一句閩南俗語，意思是「東施效顰、不自量力」。
27、粟倉：糧倉。
28、大礐：農村大型的露天旱廁。
29、池台水閣：花園裡的亭台樓閣。
30、石坊：chio̍h-hng，石築的牌坊，一般用來表記樂善好施的人和事。
31、塗樓：外牆用普通泥灰塗抹的望高臺（類似鐘樓）。樓，即閩南話的門樓。
32、撇：phiat，小瓷盤。
33、玳瑁貓：貓身上的顏色（黑、黃、白）是混雜的，沒有有明顯界限的區分，有些有斑紋，有些只有黑黃兩色，總體不規律。這種貓統稱為玳瑁貓。它並不是貓的一個品種，而只是把有着這種毛色特質的貓稱玳瑁貓。
34、金獅狗：毛色呈金黃色，外形有點像金毛獅一樣的狗。
35、查某 女間：cha-bó·-kán，婢女、侍女。
36、拌眠床：疊被子，整理床鋪。
37、橫洋：可跑遠洋水路的大船。
38、油車：以前榨油的設備或廠所。
39、湖絲：湖南省出產的高貴生絲。湖絲客，指專營湖絲生意的商人。
40、穿插：chheng-chhah，穿戴、着裝。
41、排祉：pâi-chí，奢華，華麗，出眾。
42、手指：chhiú-chí，戒指。
43、伶俐：léng-lī，形容女子輕盈利落。
44、金聰邊，衣飾用「金聰線」（kim-chhong-sòaⁿ）鑲的邊。金聰線，即金色絲線。金聰，也說kim-chhang，也有說kim-chhong。
45、夥計：hé-kì，指店員。
46、當來蘇州做生理：當下到蘇州來做生意。當，taⁿ，當下，如今。
47、敢來放蕩破了錢：或許將因為放浪散了財。敢，káⁿ，或許、可能、大概之意。
48、卜年：beh-nî，要幹嘛，要做什麼，反問的語意。
49、咬薑母擦目墘：假哭假同情，虛情假義。
50、瘡：疳瘡，指梅毒性病一類的病。
51、造化是：幸運，福氣，好運。
52、貨味：各種貨物貨色。
53、跋繳儂：或稱「繳儂」，即賭徒。
54、硩撚寶，即玩一種叫做「撚寶」的賭博。硩，是用錢壓去押莊。
55、釣白魚，也是賭博的一種方式。即「四色牌」，共四人參與，有五十六張牌。
56、骰九，也是賭博的一種方式。賭的時候，以兩粒骰子比點數。
57、硩闔笑，即玩一種叫做「闔笑」的賭博。玩的時候，將一個銅錢旋轉，或將銅錢置於掌心，後將銅錢用掌心壓在地上，猜銅錢的正、反面。正面叫做「笑」；反面叫做「闔」。也有玩兩個銅錢的，出現一正一反，叫做「真中」或者「中」。
58、鴉片塗，即鴉片的原料。
59、粗硘，是指比較粗俗，檔次較低的瓷器。
60、幼碟，指較為細小精致的小瓷盤。
61、食物，念做「chia̍h-mi̍h」，吃的東西。
62、行時，也說「時行」，即指時興、流行。行時，另一個意思是「春風得意」。
63、干烏，kan-o·，指沒有光澤的深黑色。
63、淺，chhíⁿ，淺藍色。
64、白身，白色質地。
65、氈，是指羊毛或其他動物毛經濕、熱、壓力等作用，縮制而成的塊片狀材料。有良好的回彈、吸震、保溫等性能。可用作鋪墊及製作禦寒物品、鞋帽料等。
66、無比止，指好的沒話說，別人無法比。
67、茄紋蓆：ka-bûn-chhio̍h，即「大甲蓆」，台灣大甲地區有特色的草蓆，原材料是「大甲藺」（tāi-kah-līn）。
68、萬字，印有「卍」標記，表示吉祥的符號。
69、葛（koah），纖維的織物。苧（tōe），即「苧麻」，是重要的紡織纖維作動。麻葛、蕉苧都算是粗布。海南葛，即海南島出產的葛；白紡苧，也是一種麻織物。「糊」（kô·），是一種麻織物，「大田糊」是指大田（toā-chhân）出產的織物，質地較優。
70、「頂戴鞋襪靴袍帽」，指當官的所穿戴的官帽、鞋襪、以及官服。頂戴，téng-tài，官帽，不同的官位有不同的頂戴。靴袍帽，是統稱官服，清朝的太監按品級官銜高低不同，服飾也各不相同；服裝形狀分靴、袍、帽、小褂、大褂、襯衫、馬褂，坎肩，涼帶、腿帶等。
71、蘇白扇，是蘇州出產的白扇。草蒲鞋（chháu-pô·-oê），蒲草紡織的草鞋。
72、銅薰吹，銅做的煙嘴。金聰袋，用「金絲」織成的袋子。
73、蘇腰帶，蘇州出產的腰帶。紅箬笠，紅色葉子製成的斗笠。
73、包袱皮，也叫包袱巾，或包袱。就是普通話所說的包袱。
74、貢緞，是指進專貢朝庭的緞。繭綢（kián-tiû / kán-tiû），一種繭絲織物。皺紗（jiâu-se），即皺紋紗。
75、春綢，薄絹一類的東西。
76、紫薇（chí-bî），一種類似於緞的織物。紫薇裘，即用這種織物作成的衣服。
77、嗶嘰（pek-ki）：英語所說的serge，名稱來源於英文詞beige，意思是「天然羊毛的顏色」。嗶嘰，是用精梳毛紗織制的一種素色斜紋毛織物。呢面光潔平整,紋路清晰，緊密適中,懸垂性好，以藏青色和黑色為多。
78、哆囉呢（to-lô-nî），也有寫成「哆羅呢」，一種較厚的寬幅毛織呢料。
79、羅漢衣，是中國傳統戲曲中的服飾其中之一。羅漢衣主要用作上層社會婦女的禮服外衣，含高貴之意，羅漢衣清代時，婦女用它作禮服的外套。近代時，婦女作時髦服飾。
80、心肝綿綿，指心裡頭十分渴求，執意要做某事。
81、角車，kak-chhia，一種仿陰莖的人工製品，質地艱固。
82、木屐撘，ba̍k-kia̍h-tah，女式木屐的鞋後跟。
83、釘仔錘，即榔頭、鐵錘。
84、柴梳，chhâ-se，梳子。
85、虱擯，sat-pìn，即虱篦，一種用於除頭虱的密梳。
86、萬年紅，bān-liân-hông，一種上等的紅紙。
87、蓋漳盤，kài chiang-pôaⁿ。蓋，是在物件的表層上色、罩面。
88、烏絃，梳辮子時用來梆頭毛的絲帶。
89、石青，指墨綠色。
90、牙囒盤。「牙囒字（giâ-lan-jī）」製作的生活用具，具體所指什麼東西不明。牙囒字，是一種質地堅硬的木材，常用來製作秤稈或船錠。
91、釐戥秤（lî-téng），小秤，藥店常備。
92、鏡面紐，光面紐扣。紗線絪，即盤成卷的線圈。
93、骹帛，kha-pe̍h，是指婦女的裹腳布。
94、飾褲，sek-khò·，樣式如半截的窄褲管，又有膝褲、襪套、小襪、半襪等不同名稱。婦女穿三寸金蓮時，為了要遮掩纏綁的裹腳布，及隆起的腳背，在腳踝上罩上一雙飾褲，以免走動或坐下時露出。因為裝飾所用，故也稱為飾褲。
95、荷包鬚，hâu-pau-chhiu，用來裝飾錢袋四周的細絲線，呈鬚狀。
96、褲頭綾，khò·-thâu-lêng，婦女們用來系褲頭的腰帶。
97、銜鈴，hâm-lêng，鈴鐺。
98、羅經，羅盤儀。
99、八卦，算命的器具，有八卦圖。
100、腰刀，別在腰間的防身刀器。
101、牙箸，象牙筷。
102、簳仔店，kám-á-tiàm，雜貨店。
103、雪筍，即冬筍。
104、栗子，la̍t-chí，板栗。
105、龍腸，曼波魚（翻車魨）的腸子。
106、螺片，螺肉切片。
107、鰇魚，jiû-hî，即魷魚。
108、墨賊，ba̍k-cha̍t，烏賊。
109、扁魚，比目魚。
110、花枝，鱆魚。
111、煙棰，ian-thûi，也說「煙仔魚」，中文學名「正鰹」。
112、銀魚，白帶魚。
113、鹿脯，lo̍k-pó·，鹿肉乾。
115、汫仔脯，chiáⁿ-á-pó·，味道很淡的乾脯。
116、珠螺鮭，用紅螺來醃製的料理。
117、鱌耳，chhiūⁿ-ní，一種魚。
118、丁香鮭，teng-hiuⁿ-kôe，丁香魚做成的醃製料理。
119、西刀，sai-to，寶刀鱼。
120、塗魠， thô·-thuh / thô·-thoh，土魠魚，學名鰆魚。
121、花鮡，hoe-thiâu，跳跳魚。
122、鹹蠘，kiâm-chhi̍h。蠘，梭子蟹、花蟹。
123、龍舌，lêng-chi̍h，一種魚，學名舌鰨。
124、加網，ka-bāng，一種魚，中文名「叫鮕魚」。
125、鰍鮕，chhiu-ko·，即「秋姑魚」。
126、牛尾，指牛尾魚，學名鯒魚。
127、金錢，指金錢魚，中國其它地方有說「金鼓魚」，學名Scatophagus argus，英文名Scat。
128、水龜，普通話叫「龍虱」，一種淡水昆虫，外形有點像蟑螂。
129、青虳，chhiⁿ-ioh，蛙類，中文名「諸羅樹蛙」。
130、毛蟹，mô·- hōe，淡水螃蟹，河蟹。
131、鮓，thē，水母、海蜇。
132、公玳，kong-tāi / kang-tāi一種蟶。
133、塗龍，學名叫波露豆齒蛇鰻。
134、赤鬃，chhiah-chang，黃牙鯛。
135、月鱱，ge̍h-loē / goe̍h-lē，月鱧魚（Channa asiatica），有見寫成「月鱺」。月鱧屬鱸形目，攀鱸亞目，鱧科，鱧屬。
136、塗虱，即鬍仔鯰，鬍仔魚，塘虱。烏鯰（o·-liâm），也是鯰魚的一種。
137、鯽斑，chit-pan，一種魚。海鯽斑，就是黑鯛。
138、烏耳鰻，o·-hī-môa，學名「鰻鱺」。
139、蕨仔乾，keh-á-koaⁿ / koeh-á-koaⁿ，蕨菜乾。
140、豆乾，tāu-koaⁿ，豆腐。
141、高錢，ko-chîⁿ，正月初九天公生，祭拜天公所用的黃色長條狀紙錢，通常用一對綁在甘蔗兩旁。「高錢」是一種黃色長條狀的紙錢，約一尺一寸乘五寸九分，內有六條長鋸齒紋，鋸齒紋又有十二齒、二十四齒、三十六齒之別，故又稱為「長錢」。有一種較大型的，七爺、八爺，或千里眼、順風耳等神將在出巡護駕時即繫於帽下；另一種較小的高錢，則用於祭拜天公。
142、壽金，閩南民間用來祭拜神明的金紙。金紙，專用於祭拜神明。而銀紙則用於祭拜祖先及陰鬼。金紙銀紙，合稱「金銀紙」（同安腔），也叫「壽金銀仔」（漳州腔）。而準金銀紙則陰陽皆可。金紙、銀紙，各有很多規格講究，依祭拜的神格、鬼格的高低不同而分別使用。金紙，有分天金（天公金）、壽金、刈金、中金、福金。壽金，以大小不同分為大花、小花，壽金上裱有箔，箔上篆有「壽」字朱印而得名。壽金是金紙當中用得最為廣泛的，通常用以祭拜一般的神明，如關帝爺、媽祖、城隍爺、土地公等。
143、三界紙，上元節祭拜三界公時（實際上祭拜三官中的天官，這一天是天官大帝的聖誕日），用紙糊三官帝闕三座。三界公，就是「三官大帝」，天官、地官、水官也，其神格與玉帝上帝一樣尊貴，常代表天公接受信眾的祈求賜福、赦罪與解厄等。
144、尺金，亦稱天尺金，也是祭拜神明的一種金紙。
145、降真爐，kàng-chin-lô·，是祭拜天神時用以燒金紙的爐塔。降真香，是一種線香，祭拜天神時所燒的線香。
146、淨香，chēng-hiuⁿ，呈螺旋狀，禮佛的一種香。
147、束柴，sok-chhâ，禮佛時在香爐裡燒的香木片。
148、金鼓，迎神迎佛時所敲打的銅鑼和大鼓。
149、大鈸、中鈸，指鐃鈸（nâ-poa̍h / lâ-poa̍h）。
150、經衣紙，一種用來祭拜陰鬼的紙錢。
151、替身，一種用草或紙做的人形偶，閩南民間習俗，認為火燒替身，可以祈求袪病。白虎，指白虎神，邪神。中國的道法中，有所謂的為病人所施展的送童子替身、送白虎替身、送天狗替身等道法，旨在袪病。精神紙，可能是道士作法時所燒的符紙，燒紙代表讓病人恢復元氣，精神煥發。
152、篾香，即線香。白束，袋子套子之類的東西。
153、常興、瑞泰、金蘭薰、烏厚、紅蘭、舊露薰，可能都是些薰香產品。
154、雲片糕，又名雪片糕，是一種中國傳統糕點。
155、蔴荖（môa-láu）、米荖（bí-láu），閩南地方傳統甜食糕點。
156、福員，是龍眼。
156、五壽、麵桃，紅龜、紅粿，都是五穀製品，即壽桃、壽糕、龜粿之類的居家節慶糕點。
157、燒金，即祭祀過程中的燒金紙。
158、公捐，kong-iân，指宮廟、寺廟等，接受眾香客、信徒、弟子捐獻。
159、硘仔店，hûi-á-tiàm，經營陶瓷製品、用品的店鋪。
160、大鼎、東洋佮灶磚。這裡所講的東洋，具體所指已不可考。但應該是指日本出產生活器具，應該與伙房炊具有關。會否是後期所講的「日本銅鼎」呢？有待查考。
161、雁子，就是閩南地區出產的雁子磚（gān-chí-chng），長方體燒結紅磚，外表光滑，四周側面有斜條裝斑紋，質地堅固，廣泛用作閩南式建築的牆磚。
162、鐵銚，也叫火銚。舊時伙房燒柴火時，用來挑拔柴火的鐵條。火鉗，是燒柴火時用來夾柴火的鐵鉗。
163、茶鈷，即燒開水的鐵壺。急燒，是熬中草藥用的陶壺。
164、甕鍾，即大肚鍾。
165、香筒，放置線香的筒。宣爐，即香爐。
166、盞，即平底盤。茶甌，即茶杯。茶罐，即泡茶的茶壺。
167、錫瓶，即錫做的酒瓶。花矸，即花瓶。矸仔，即瓶子。
168、什錦碗，古早一種粉彩的碗。斗碗，即大碗。大撇，即大盤子。大坩，大的沙鍋。酒盅盤，即用擺放酒盅的平口盤子。
169、飯斗，即飯桶，裝飯的器具。
170、臭杉柴，即普通的杉木。
171、面桶，即臉盆。骹桶、即洗腳盆。腰桶，是女人用於洗澡的木桶。跋桶，是指用於井中汲水的吊桶。摔桶，即以往手工脫穀時，集脫、採稻米於一體的高大木桶。炊桶，即蒸米糕時用來裝米漿的短木桶。
172、戽桸，是戽斗，用於灌溉農田的戽水的工具。鱟桸，用來舀熱湯熱水的湯瓢。飯籬，是用於從熱湯中撈取飯粒的篩狀大漏杓。鼎簳，是鍋蓋。水升，是水瓢。匏桸，也是水瓢。鼎銼（tiáⁿ-chhoè），即鍋刷。
173、茄茉菜，即菾菜、甜菜。茼蒿，中國也有的地方叫打老婆菜。菠薐，即菠菜。蕹菜，即空心菜。蕗蕎，外形像蔥、蒜，中國有的地方叫火蔥、蕎頭、辣韭或是小蒜。竹仔枝，即腐竹。
174、腰子，即腎臟。
175、一大毬，是指一大沱。
176、豬毛屎尿壅苦瓜。壅，èng，指壅肥。
177、煨，e / oe，即燜煮，一料烹調方法。
178、炕，khòng，即熬煮，一料烹調方法。
179、酒配，指下酒菜。
180、高梁（kau-liâng）、火燒刀，是兩種不同的烈酒。
181、檨仔，即芒果。藍菝，即番石榴。弓蕉，即香蕉。王梨，即菠蘿、鳳梨。田草，即仙草。香果，也叫風鼓，就是蒲桃，桃金娘科。
182、簳壺，kám-ô·，竹製淺扁籮，家用器具。
183、粗糠，即碾米脫殼後形成的穀殼渣。而碎米，則是碾米過程中自然形成的破損零碎的米屑。
184、厝埕，居家房屋門前的場坪。
185、曝粟，曬稻米。
186、風櫃，用於揚穀的鼓風機。
187、糴粟佫來挨，意思是「買穀子回來再碾成米（去皮）」。挨，oe，將穀子去皮。
188、姿娘儂，即婦女。
189、等第，即等級。
190、巧物，khá-mi̍h，奇巧的東西。指其中的奧秘，奧妙。
191、敆作，kap-choh，指手工做的小型木作家具。
192、長案，也說案桌。就是指，供奉佛像前面的長形桌。八仙桌，四方形的桌子，桌面較寬，有四條腿，四周共可坐八個人，猶如八仙而得此雅名。
193、交椅，舊時的靠背椅。几桌，一是指客廳擺在沙發邊上的四角小茶几；二是指大堂所供神明前面用於擺置香爐的「几」形桌臺。
194、六仙桌，也是一種桌子。椅頭，是小凳子。椅條，是長條椅。學士椅、太師桌等，都是一些不同規格功用的家具。
195、柴屏，即木做的屏風。骹踏枋，即大床前面，用於墊腳上床沿的木板。
196、桌枰，即普通的平板桌。桌櫃，即用於裝傢具東西的木櫃。櫥門，即櫃、櫥的門。
197、中樑，即房屋的脊樑。中門，即房屋的正門。楹桷，即支撐屋厝的承重構件——棟樑。椽板，即放在檁上架着屋頂的木條——椽子。
198、石珠，就是類似廟柱的根基部位的圓球狀或鼓形的石基。瓦筒，即圓瓦，半圓形的圓瓦。瓦甓，即屋瓦與牆磚。
199、年暝兜，即年關。漳州腔好講「年暝兜」，同安好講「年兜」。
200、冠笄，閩南人的子女成婚時所做的一種類似古代成人禮的儀式，即新郎戴帽，新娘梳頭盤髻。冠，即帽；笄，即簪。
201、儂馬挨挨，即人很多，很熱鬧。
202、姿娘請做客，意思是說新婚婦人回娘家宴請親朋。
203、做五福，即唱「五福戲」。五福，即五種福氣，長壽、富足、健康、平安、好品德。
204、唱郎君，是指演出郎君戲（南管）。
205、唱崑腔，唱「崑腔」曲風，指演奏悠閒的太平樂。
206、迎尪，是漳州腔，同安講迎神。漳州話的「尪公」是指神明。
207、車鼓歌，即演出「車鼓弄」的曲藝。涼傘，也是閩南人的一種曲藝。
208、香案，即敬佛敬神的供桌。
209、嘻嘻嘩嘩，指人聲鼎沸，熱鬧喜慶。
210、爐主頭家，指主持喜慶祭拜的主祭者，每年都經由擲筶產生。
211、亂彈（lōan-tân）戲，四平（sù-phêng）戲，大班（tōa-pan）戲，潮調（潮州戲）、老戲（lāu-hì）、嘉禮（偶戲）、白字戲（用群眾日常語言演出），均是不同風格戲曲。
212、擔籠，也講「籠擔」，即有蓋的竹製箱簍，一副兩隻，用扁擔挑。
213、火碗，即火盞。添火碗，就是往火盞裡頭添加燃料。
214、車肥糞，運載肥料去施肥。
215、鐵搭，是一種農具，四齒或六齒，其齒鋭而微鉤，似耙非耙，劚土如搭，所以叫鐵搭。割耙，一種農具，用來耙松犁過的土垡。割耙齒，即割耙的齒牙。犁頭，即犁的翻土的部分，呈弧形樹葉片狀。犁頭壁，指犁刀的刀壁。割鍥，割細樹枝等的鐮鍥。另有「草鍥」，即刀刃呈細密鋸齒狀的鐮刀，用來割水稻、茅草等。棕蓑，即蓑衣。刀枷，即刀鞘刀架。
216、鑿仔（chha̍k-á），木工器具，用於鑿木頭的鑿子。鋸鑢（kù-lōe），即銼刀。擴刀（khok-to），即擴孔刀、擴孔鑽一類工具。轆鑽（lak-chǹg），即鑽孔器。 |
-
1
评分次数
-
|
发表于 2010-9-13 08:14
发表于 2010-9-14 10:14
